">Khui lam in na ra? Nangbang rak um thiam maw! Mi dang in an lo hmuve ko ding nan, kei bang in tuarhai maw? Na mit, na mit ka zoh ngamlo, ziangah zingpit ni engthleu mawi ih a kah thleumi daifimbangin I zoh? Na mitmu khin thutinkim in sim. Karak ruatsual pang ding ti ka phang. Na kiangah lo be dingin ka ding. Hlavangin na biang note ka zoh…thil na ei phah, na mawi sinsin. Midang na biak ka lo hmu. Na biakmi pa kha ziangtin na rak thei, ziangtlukin nan rak kawm aw timi thu ka lo sutduh tuk nan, veikhat te hman ka lo biak dah ve fawn lo. Ka thinlung cun thu tampi a lo sut rero. Na sam thleumawi tlai thliahthli cun na mit malte ten a khuh phah rero, na hei phialphah, ka thinlung zaten le ka ruahnak zaten, ka lo zoh timi in thei awla, santlailopa lam cu na rak hawive ding nan. Aw! Ka lo zahtuk…nangmahte na to caan ah ka lo biak ding ka ti nan. Na duhzawng val zovek an siding timi ka ruat. Na duhzawng le na mit la ding zawng in um ka tum…veikhat te, I rak zohve asinan midangvek thotho ah in ruat, a thupte a lo duhdawttu le na ziazai mawite ruangih a thizik valpa ka si I thei awla, ka u ka lungawi, ziangah hi tluk na rak tuarmi ka rak theihlo, i ngaithiam aw…keikhal santlailote so khaw ka si, I ngaisangtu cu zovek khal ka ngaisang ve nati dingih lungawinak mithli a for ve ding nan. A lo cawmtheilotu, le na thinnuam ih a loret theilotu tla ka rak si men thei nan kei bangin valdangin lo ruat hen maw! Umhar, ttah le riahsia ti um lo na mithmai te hi midang cun an theithiam ding maw? An lo theilo, na duhumnak te le na engno te…khi lengdawh nute khi cu aw, in duhsehla, rawl ei hman a tul ding maw…? Tiih sunzan ka ruahmi nute, in thei dahlo, kei cu a thupten a lo ruattu ka si….na kiang naite ah ka um theu….in ko aw, zoh ngamle ngamlo in ka lo zoh ding, a sinan in ngainep pang hlah aw….ka lo duhtuk ruangah mi aa bangin ka tha acem theh ding…a sinan ka lungthin sungih ka lo duhnak le ka lo uarnak pawl cu na hmu theilo.

              Na thei lo
Duhdawt aw zet ih kan um tlang lai ka hna ngam dan na thei lo.. I tansan ni ih ka mitthli tlak na hmu lo.. Tu ni tiang a malbik nithum veikhat zaan mang ih ka lo man na thei lo..Zaan tinte na Ph No, hmet hiar zet nan ka sup-awk tento mi na thei lo.. Na hrang lak sawng ka lei nan ka lo pe hrih lo mi khal na thei lo.. Kan ton-awk dahnak "The Mines" tili kiang ih keimah lawng ka feh theu khal na thei lo... Zaan tinte na hnatuan nak dawr hmai ihsin ka lo bih theu mi khal na thei cuang lo.....?
Na theilo..........Zianghman na thei lo..........????

Duh mi na kiangah i um ter ringring aw, na kiang ih um nuam ka ti, mi dang khal sawm hlah kan mah pahnih te vial lawng maw,mi dang na sawm pang le, kei cu mi vek in hla thawn ka hnem aw thiam lo sokhaw, khui na feh khal le i sawm theu aw, Nangmah vial te lawng um ka lo siang lo..

              " E Hem "
Nang bang mawi um thiam ka lo zoh ih ziangah rei pin i zoh na mawi nak ka neh lo ka lo ti theu kha, ngai zawng na nei zo maw.ham tu teh na nei zo maw,na mi laipa si ningla ka va caak nan, na hni puan sawph tu kgal si ningla ka poi cuang lo ding, ziangah na mawi tuk ruangah, hman seh zuam rero hman ning a har ee,ttong kamkhat ih i biak caanah keimah sawn maw ka hmai sen ka ning a zak duhmi kei hnak ih sang sawn mawi sawn tlam sawn mi pa pawl hman nih an lo kuai ban lo cu ruangah i theihpi lo'n a thupte ka lo duhnak.........

     TINTLING
      by-T.Lal Lian Hum
Belo le hmulo in ka um thei lo
Hmuh ka duh ih hmuh men in ka tawk lo
Biak ka duh ih biak men in ka tawk lo
A Anka khuaizu bang khawp thei lo...

Ka hmuh tam le a mawi deuhdeuh
Ka biak tam le ka lungtho deuhdeuh
Ka ruah tam le ka duh deuhdeuh
Caan a rei ih duhnak a hnget deuhdeuh...

Thin diriam in kut ih kaih ka duh
Ka suah semnak ruun inn thlenpi ka duh
Lungsung diriam ih um tlang ka duh
Lungkhat ten duh nak TINTLING ih
                um tlang ka duh...

Mitsir ten ka lo zoh theu
Ka thinlung ruahnakah na famkim ti'n
Duhnak biathu ka lo hlan
Na zangfahnak ka co ti'n
Lungsi ten na kut ka lo kai ih
Thinlung ziangkim in ka lo cencilh
Ka hrang hnemtu tha ti'n
Tlun ah ka lo ret ih
Tangdor ka rak cuh theu
Hmanseh ni le caan a herliam ih
Thinsaunak na tawi ter
Zosi, Mipa/ Nunau pakhat lawng um ti?
Pakhat lawng um bang sehla
Tangdor ka cuh tento hrih ding nan
Ha..ha, na duhnak ah feh ko aw
Hlanah cun thinlung hmuahhmuah thawn
Duhnak thu ka lo sim
Tu cu thinlung hmuahhmuah thawn
Ka lo BYE..BYE..BYE......
Salai T.Liante

HMUH LO LENGNUI' ZUUN
by-Salai Zuun Thup
Na hmel mawite hmu lo hman seh
telephone sungih na aw nemte theih men le
na sms kuat mi men ruangih
na zuun uaitu kei Salai
na sms siar ding ka hmuh lo zan
me hrim a rem thiam si lo
na aankaa thlumte theih lo nak a rei cun
tuar awk tha lo'n ka lungthin
a buai,a buai leh si maw
thalfang bangih ka pai rngring mi
ka lungsungih dawtnak biathu
ziang tin ka lo sim thiam ding
aw . . . hmuh lo lengnui' zuun tuar hi a va har tak em

Zankhat Zan
Lungsungih khomi nunkung
Ka hrang a mawi hlei duhnak anka
I hlan ngah mi lungsung biathu
Hngilh ni a um lo ding na cang dan mawi
Anka biak loi' duhnak i hlan
Zing khawvar ding ka phang
Lung diriam in .......ka duat..
Aw,....zan khat zan..........
                                          By Khuaizu

KA DUHBIK MI PARMAWI

Leitlun hmunkip ah
Tam ngai ee parmawi phunkim
Hmanseh nanglawng in
Lungthin inkuai nitin in
Ka duhbik mi parmawi

Nitin ka mitthlam in
Suntin ka lo ruat
Na parmawinak te
Hngilh ti a umlo
Ka duhbik mi parmawi

Tam ngai ee lengdawh partha
Mawi hleice ee
Na hawirual lak ah
Hngilh thei hlang ee na iang
ka duhbik mi parmawi

Par dangtha tam hmanseh
Nangmah pakhat lawng hin
Ka thin di inti riam,
Par dangtha ngai hlang ee
Ka duhbik mi parmawi

Partha dang hnawl in
Lopan ee nangmah rori
Nangthawn kumkhua kutkai in
Duhthu saam ing ee
Ka duhbik mi parmawi..

        NUN NEM TE
Duhmi nun nemte aw, tuar a har na zuun

Nanglo cun ar bang ka vak ka tawi
Thinhar in lamtin ka tawi
Ka thinhnem thei tu an umlo nanglo cun.
Nun nemte, Nunnem te......

Duhmi nunnemte aw, tuar a har na zuun.

Nanglo cun thlapa bang keimah te.
Thinhar in hangtin ka tawi kavak.
Ka thinhnem theitu khuiah si maw!
Nun nem te, Nun nem te.....

Duhmi nunnemta aw, kir salhram law ka tangah

Nanglo cun riakmaw va bang riah run tong lo in.
Thinhar in zaanvarte katawi.
Ka thin hnem theitu nangmah lawng
Nun nem te, Nun nem te

                  A NIH TEH IN

                Ka meerem thiam lo,

                Ka lo ngainak ah.

                Na meerem thiam maw?

                I rak ngai hmen maw?

                Ka lo ngainak a zual sin ee.

                Ka zaau rem thiam lo,

                Ka lo thlirnak ah.

                Na zaau rem thiam maw?

                I rak thlir hmen maw?

                Ka lo ruahnak a zual sin ee.

                Ka lo hngilh thei lo,

                Ka lo duh ruangah.

                I hngilh siang hmen maw?

                I ruat lai hmen maw?

                Ka lo hlamnak a zual sin ee.

                          Salai S,Vapual.

                

    
      



    



    AI-HA
Zoh khawp theilo a hmuihmel te
Sik-ni eng bang a mit meng te
Mawi sersi ee duhnung za
A biangih sam tlai sialsi te
Duhnunnak ih khat a hmur thlum te
Ka lungthin hrang dammnak
A ankaa khuaizu bang
Ka zei zawngza i kai tang
A cung sin ee leng Nu lak ah
Ruahnak lungthin khat thawn
Kawtthler zalam tluan ah
Duhnak bia-thu sim aw in
Tumtah thlen tiang
Lentlang ka nuam.......
           Salai T.Lian